სანდრო მამუკელაშვილი სან ანტონიოსთან ახალ კონტრაქტზე შეთანხმდა
საქართველოს ეროვნული ნაკრების ფორვარდი, სანდრო მამუკელაშვილი მომავალ სეზონს კვლავ ,,სან ანტონიო სპურსში'' გაატარებს. ინფორმაციას ადრიან ვოინაროვსკი ავრცელებს:
,,თავისუფალი აგენტი, სანდრო მამუკელაშვილი სან ანტონიო სპურსთან 1-წლიან კონტრაქტს დათანხმდა და ხელფასის სახით 2 მილიონ დოლარს მიიღებს,'' - წერს ვოინაროვსკი ტვიტერის პირად გვერდზე.
სანდრო მამუკელაშვილი ,,სან ანტონიოში'' მიმდინარე წლის მარტში, ,,მილუოკი ბაქსიდან'' გადავიდა. 24 წლის ფორვარდი ,,სპურსში'' ჩატარებულ 19 შეხვედრაში საშუალოდ 10,8 ქულას, 6,8 მოხსნასა და 2,4 შედეგიან გადაცემას აგროვებდა.
გრეგ პოპოვიჩის გუნდმა გასული სეზონი 22 მოგებითა და 60 მარცხით დასავლეთ კონფერენციის ბოლო, მე-15 ადგილზე დაასრულა.
Free agent C Sandro Mamukelashvili has agreed to a one-year, $2 million deal with the San Antonio Spurs, his agents George Roussakis and Mark Bartelstein of @PrioritySports tell ESPN.
— Adrian Wojnarowski (@wojespn) July 1, 2023