"ყოველთვის ვგრძნობდი, რომ კალათბურთში საუკეთესო ვიყავი" - ლებრონ ჯეიმსი
დღეს გამთენიისას ლებრონ ჯეიმსმა ისტორიული შედეგი დააფიქსირა. 38 წლის კალათბურთელმა ჩაგდებული ქულებით ლეგენდარულ ქარიმ აბდულ-ჯაბარს გადაასწრო. ლებრონმა NBA-ში 38,890 ქულა დააგროვა და კალათბურთის ისტორიაში ოქროს ასოებით ჩაიწერა.
38,388 POINTS
— NBA (@NBA) February 8, 2023
LeBron James hits the fadeaway jumper to become the NBA’s all-time leading scorer! #ScoringKing pic.twitter.com/P5LyTZAZn3
აღნიშნული რეკორდი ჯეიმსმა "ოკლაჰომას" წინააღმდეგ დააფიქსირა. "მეფეს" აბდულ-ჯაბარის შედეგის გასაუმჯობესებლად მხოლოდ სამი მეოთხედი დასჭირდა. რეკორდული ქულა ლებრონმა მეოთხედის ამოწურვამდე 10.9 წამით ადრე ჩააგდო.
ამ ყველაფრის შემდეგ თამაში ცოტა ხნით გაჩერდა და გულშემატკივარმა ძალიან ემოციური კადრები იხილა. პარკეტზე თავად ქარიმ აბდულ-ჯაბარმა შემოაბიჯა და ღირსეულ მემკვიდრეს სიმბოლურად ბურთი გადასცა.
საინტერესო იყო ლებრონის მატჩის შემდგომი კომენტარიც, რომელიც მას კიდევ ერთმა ლეგენდამ შაკილ ო'ნილმა ჩამოართვა:
შაკი: როგორ ფიქრობ ეს გაქცევს ყველა დროის საუკეთესო მოთამაშედ?
ლებრონი: "მისმინე დიდო ბიჭო. მინდა საკუთარი თავი ყველას დავუპირისპირო ვისაც კი ეს თამაში უთამაშია. მე ვიცი თუ რა შემიძლია. ყოველთვის ვგრძნობდი, რომ კალათბურთში საუკეთესო ვიყავი. ამ სპორტში ბევრი კარგი ბიჭია და მათთან კონკურენცია ჩემთვის დიდი პატივია."
.@SHAQ: “Does this now make you the greatest player of all time?”@KingJames: “I’m gonna take myself against anybody that’s ever played this game. … I always feel like I’m the best to ever play this game.” pic.twitter.com/5mzrZ59GTG
— NBA on TNT (@NBAonTNT) February 8, 2023
"ჩემი მიღწეული შედეგი სამუდამოდ დარჩება. მე ვარ ბიჭი, რომელმაც 20 წლის განმავლობაში შეძლო საკუთარი თამაშის გაუმჯობესება და NBA-ში ნებისმიერ პოზიციაზე შეუძლია თამაში. NBA არაჩვეულებრივი რამაა. აქ ბევრ კარგ კალათბურთელს უთამაშია, თუმცა, ჩემს წინ ვერავის დავაყენებ." - განაცხადა ლებრონმა მატჩის შემდეგ.
მიუხედავად ასეთი ზეიმისა, "ლეიკერსი" "OKC"-ის წინააღმდეგ 130:133 დამარცხდა. აღნიშნულ შეხვედრაში ლებრონ ჯეიმსმა 38 ქულა დააგროვა.
სხვა სტატიები
.32.webp)
