Mundo Deportivo: 'ბარსელონამ თორნიკე შენგელია გაიფორმა'

Mundo Deportivo-ს ჟურნალისტების, ხოსე იგნასიო იუგეს და ლუკას კლემენტეს ცნობით, ქართველი თავდამსხმელი „ბლაუგრანას“ სამწლიანი კონტრაქტით შეუერთდება, მესამე წელი არჩევითი იქნება და ორმხრივი გათავისუფლების პუნქტს მოიცავს.

ინფორმაცია Sportando-ს ჟურნალისტმა, ალესანდრო ლუიჯი მაჯიმ პირველად გასულ კვირას გაავრცელა - ბარსელონას ინტერესის შესახებ. Mundo Deportivo-მ ახლა დაადასტურა, რომ გარიგება დასრულებულია.

შენგელიას კონტრაქტი "ვირტუსში" ივნისში იწურება.

ვირტუსში გადასვლამდე, შენგელიამ ექვსწლიანი წარმატებული პერიოდი გაატარა „ბასკონიაში“ (2014–2020), შემდეგ კი თამაშობდა მოსკოვის „ცსკაში“ (2020–2022).