მარკის რიდმა გუნდს ქულებით ულიდერა | ბაჰჩეშეჰირმა მანრესას მოუგო

ევროთასის მე-3 ტურის შეხვედრაში ბაჰჩეშეჰირმა მანრესას უმასპინძლა და 12-ქულიანი სხვაობით, ანგარიშით 100:88 დაამარცხა.

თურქულ გუნდს საქართველოს ნაკრების ლეგიონერმა, მარკის რიდმა ულიდერა, რომელმაც 22 ქულა (ყველაზე მეტი მატჩში), 4 მოხსნა და 2 შედეგიანი გადაცემა მოაგროვა.

უკანახაზელმა 12-დან 7 ორქულიანი და 8-დან 8 საჯარიმო ჩააგდო.

ბაჰჩეშეჰირი, რომელიც 3-დან 3 მოგებით ევროთასის პირველ პოზიციზეა, მომავალ შეხვედრას შაბათს, 17 ოქტომბერს, თურქეთის სუპერლიგაში, ბურსასპორის წინააღმდეგ გამართავს.