მარკის რიდის ბაჰჩეშეჰირმა პაოკს მოუგო და ევროთასზე პირველ ადგილზეა

ევროთასის D ჯგუფის მე-5 ტურის შეხვედრაში ბაჰჩეშეჰირმა პაოკს უმასპინძლა და 3-ქულიანი სხვაობით, ანგარიშით 84:81 დაამარცხა.

მატჩში ერთ-ერთი საუკეთესო იყო საქართველოს ნაკრების ლეგიონერი - მარკის რიდი, რომელმაც 17 ქულა, 3 მოხსნა და 2 შედეგიანი გადაცემა მოაგროვა.

უკანახაზელმა 2-დან 1 სამქულიანი, 9-დან 6 ორქულიანი და 2-დან 2 საჯარიმო ჩააგდო. მისმა მარგი ქმედების კოეფიციენტმა 19 შეადგინა, რითაც საკუთარი გუნდის რიგებში მხოლოდ მალაკაი ფლინს ჩამორჩა.

ბაჰჩეშეჰირი 4 მოგებითა და 1 წაგებით სატურნირო ცხრილის პირველ პოზიციაზეა. რიდის გუნდი მომავალ შეხვედრას შაბათს, 31 ოქტომბერს, თურქეთის სუპერლიგაში, ბორდო ბანდირმას წინააღმდეგ გამართავს.