მამუკელაშვილმა და სან ანტონიომ საკრამენტო დაამარცხეს

ნაციონალური საკალათბურთო ასოციაციის (NBA) რეგულარული სეზონის შეხვედრაში, "საკრამენტოსა" და "სან ანტონიოს" დაპირისპირება შედგა. საკრამენტოში, "Golden 1 Center"-ში გამართული უხვქულიანი მატჩის ძირითადი დრო, ფრედ (123:123) დასრულდა. გამარჯვებულის გამოსავლენად ოვერტაიმის დანიშვნა გახდა საჭირო, რომელშიც მასპინძლები 8 ქულიანი სხვაობით დამარცხდნენ. საბოლოოდ, სანახაობრივი მატი 134:142 დასრულდა.

"სან ანტონიოს რიგებში" სანდრო მამუკელაშვილს სათამაშო დრო კვლავ მიეცა. პარკეტზე გატარებულ 16:42 წუთში, მამუკელაშვილმა 6 ქულის, 5 მოხსნისა და 1 შედეგიანი გადაცემის დაგროვება შეძლო.