ლებრონ ჯეიმსმა კარიერაში ყველაზე დიდი სხვაობით წააგო
ნაციონალურ საკალათბურთო ასოციაციაში (NBA) რამდენიმე შეხვედრა გაიმართა, მათ შორის, რამდენიმე ფაქტის გამო, გამორჩეული იყო "სიქსერსისა" და "ლეიკერსის" დაპირისპირება. ფილადელფიელებმა "ყვითლები" საკუთარ არენაზე დამანგრეველი სხვაობით 138-94 დაამარცხეს.
> ლებრონ ჯეიმსმა კარიერაში ყველაზე დიდი სხვაობით წააგო
ეს შეხვედრა ლებრონისთვის ერთდროულად სარეკორდოც აღმოჩნდა და ანტისარეკორდოც. 38 წლის ჯეიმსს კარიერაში ყველაზე დიდი მარცხი 2019 წელს ჰქონდა განცდილი, როცა ინდიანასთან 42-ქულიანი სხვაობით წააგო. "მეფე" მაშინაც ლეიკერსის ღირსებას იცავდა. "რა უნდა შეიცვალოს, რომ მსგავსი რამ აღარ განმეორდეს? ბევრი რამ" - აღნიშნა ლებრონმა სიქსერსთან დამარცხების შემდეგ.
> ჯეიმსს, NBA-ის ისტორიაში, ყველაზე მეტი წუთი აქვს ნათამაშები
მეორე ამბავი ისაა, რომ ფილადელფიასთან შეხვედრა ლებრონისთვის სარეკორდო აღმოჩნდა. მან NBA-ის ისტორიაში ყველაზე მეტი (66 278) წუთი ითამაშა და მან ამ მაჩვენებლით კარიმ აბდულ-ჯაბარი უკან ჩამოიტოვა.
LEBRON HAS NOW PLAYED THE MOST MINUTES IN NBA HISTORY 👑
— ESPN (@espn) November 28, 2023
He passes Kareem for the most career minutes, including regular season and playoffs (66,298). pic.twitter.com/BT1PgAa24x
> ლეიკერსს სიქსერსთან ამხელა სხვაობით არასდროს წაუგია
ფილადეფიელებსა და ლოს ანჯელესელებს ერთმანეთში სულ 290-ჯერ უთამაშიათ და ლეიკერსი 44-ქულიანი სხვაობით პირველად დამარცხდა. ამავდროულად, ლეიკერსმა სიქსერსთან ზედიზედ მეშვიდედ წააგო.
აღნიშნულ შეხვედრაში ლებრონ ჯემსმა 18 ქულასა და 5 პასს მოუყარა თავი (მოხსნა არ ჰქონია), მატჩის საუკეთესო კალათბურთელი კი უდავოდ ფილადელფიელების ჯოელ ემბიდი იყო, რომელმაც 30 ქულით, 11 მოხსნითა და 11 პასით სამმაგი დუბლი შეასრულა.
მატჩის მიმოხილვა :
.70.webp)
სხვა სტატიები
.32.webp)
