ჯოელ ემბიდმა საყვარელი საფეხბურთო გუნდი და ფეხბურთელი დაასახელა

1 წთ

NBA-ის მოქმედი MVP-ის, ჯოელ ემბიდის თქმით, მისი საყვარელი საფეხბურთო კლუბი მადრიდის ,,რეალია'':

,,ჩემი საყვარელი გუნდი რეალია! გალაქტიკო და ზინედინ ზიდანი ჩემთვის მარადიული სიყვარულია... ამ კლუბის მაისური რაღაც განსაკუთრებულია, ის ფეხბურთის ვნებიან გულშემატკივრად გაქცევს.

ზიდანი ჩემთვის გამორჩეული ფეხბურთელია. ახლა ბელინგემით ვარ აღფრთოვანებული, მის თამაშს დორტმუნდშიც ვუყურებდი. არ მეგონა, რომ ასეთი კარგი ბომბარდირი იქნებოდა. ყოველთვის სწორ ადგილს არჩევს და ამ მხრივ ბრაზილიელ რონალდოს ჰგავს. რთული ასახსნელია... რეალის ყველა მატჩს ვუყურებ და ვცდილობ ავხსნა, როგორ თამაშობს ასე კარგად.'' - ჯოელ ემბიდი

ემბიდმა რამდენიმე დღის წინ ისიც თქვა, რომ ერჩივნა, ფეხბურთელი ყოფილიყო და არა - კალათბურთელი.

NBA-ის MVP მიმდინარე სეზონში საშუალოდ 36 ქულას (პირველი ლიგაში), 11,4 მოხსნასა და 5,8 შედეგიან გადაცემას აგროვებს.

თაზო ერისთავი

სხვა სტატიები

ჯოელ ემბიდი მენისკის ოპერაციას გაიკეთებს

ემბიდი: ,,მერჩივნა, ფეხბურთელი ვყოფილიყავი, ვიდრე - კალათბურთელი''