ევროპის რიგით მეორე პრესტიჟული ასპარეზი "ჩემპიონთა ლიგა" გრძელდება, მეორე ჯგუფური ეტაპი გიორგი შერმადინის "ტენერიფემ" გამარჯვებით დაიწყო. ესპანელები გასვლით მატჩში "იგოკეას" დაუპირისპირდნენ, სადაც 20-ქულიანი უპირატესობით იმარჯვეს.
"ტენერიფემ" FIBA-ის მიერ ორგანიზებულ ჩემპიონთა ლიგაში, პირველ ჯგუფურ ეტაპზე ესპანელებმა პირველი ადგილი დაიკავეს და საუკეთესო 16 გუნდს შორის მოხვდნენ, რომლებიც ასევე 4-ჯგუფში, 4-გუნდად არიან დაყოფილნი.
"იგოკეასა" და "ტენერიფეს" შეხვედრის საბოლოო ანგარიში 62:82 დაფიქსირდა. ქართველმა ცენტრმა პარკეტზე 25:21 წუთი გაატარა, რა დროშიც 17 ქულა, 5 შედეგიანი გადაცემა, 4 მოხსნა და 2 ჩაჭრა მოაგროვა. აღნიშნული მაჩვენებლით ქართველმა ლეგიონერმა მორიგი "MVP"-ის ტიტული მოიპოვა.
მომდევნო შეხვედრას გიორგი შერმადინის გუნდი საკუთარ სამშობლოში, "ბურგოსის" წინააღმდეგ, ამ უკანასკნელების საშინაო არენაზე, 9 მარტს გამართავს.
.32.webp)
