ევროლიგაში თამაშის აკრძალვა და სოლიდური ფინანსური სანქცია - კალათბურთელებს მკაცრი სასჯელი ელით
ევროლიგის პლეი-ოფის შეხვედრაში, “რეალისა” და “პარტიზანის” დაპირისპირება შედგა, რომელიც ორივე გუნდის კალათბურთელების ხელჩართული ჩხუბის გამო შეწყდა და აღარ გაგრძელდა. მე-4 პერიოდში – იმ დროს, როდესაც “რეალი” 80:95 მარცხდებოდა, სერხიო ლულსა და კევინ პანტერს შორის დაპირისპირება დაიწყო. სწორედ ეს გახდა გუნდური ჩხუბის მიზეზი.
უკანასკნელი ცნობების თანახმად, ინციდენტში მონაწილე კალათბურთელები შესაძლოა მკაცრად დაისაჯონ. BasketNews-ის მტკიცებით, ორგანიზატორები განიხილავენ, რომ ჩხუბში მონაწილე კალათბურთელებს ევროლიგაზე ასპარეზობა 4 წლით აუკრძალონ და ფინანსური სასჯელის სახით 280,000 ევროს გადახდა დააკისრონ.
Serious sanctions might be imposed on the players involved in the Real Madrid vs Partizan fight 😳 pic.twitter.com/F86xaZXsTn
— BasketNews (@BasketNews_com) April 28, 2023
ინციდენტში მონაწილე ერთ-ერთი ვარსკვლავი გერშონ იაბუსელეა, რომელმაც მოგვიანებით სოციალურ ქსელში განთავსებულ პოსტში ბოდიში მოიხადა.
"გულწრფელად ვნანობ წუხანდელ შეხვედრაში ჩემს ქცევას. კალათბურთი არის მეგობრობისა და სპორტსმენობის უდიდეს ცნებაზე დაფუძნებული. ბოდიშს ვუხდი "პარტიზანს" - კლუბს, რომელთანაც ყოველთვის დიდებული ურთიერთობა გვქონდა. ბოდიშს ვუხდი დანტე ექსუმსა და მის ოჯახს, კლუბსა და გულშემატკივრებს".
Guerschon Yabusele expresses regret for his actions and apologizes to Partizan and Dante Exum for any harm caused during the game 🙌 pic.twitter.com/a4zWcaYZOn
— BasketNews (@BasketNews_com) April 28, 2023