ესპანეთის თასის 1/2-ფინალში ბარსელონა ბასკონიასთან დამარცხდა

ესპანეთის საკალათბურთო თასის 1/2-ფინალში ბარსელონა ბასკონიასთან 67:70 დამარცხდა და გათამაშებას გამოეთიშა.

თორნიკე შენგელიამ 29:46 წუთი ითამაშა, რა დროშიც 12 ქულა (9-დან 3 ორქულიანი, 6-დან 6 საჯარიმო), 7 მოხსნა და 3 შედეგიანი გადაცემა მიითვალა.

ყველაზე მეტი 14 ქულა როდიონს კურუცმა ჩააგდო, 13 ქულა ჰქონდა ტიმოთე ლუვავუ-კაბაროს, ხოლო 12-12 ქულა ნიკოლას ლაპროვიტოლამ და ქართველმა კალათბურთელმა დააგროვეს.

ესპანეთის თასის ფინალში ერთმანეთს რეალ მადრიდი და ბასკონია დაუპირისპირდებიან.

ბარსელონა მომდევნო შეხვედრას ევროლიგის ეგიდით ვირტუს ბოლონიას წინააღმდეგ გამართავს, მატჩი 25 თებერვალს ჩატარდება.