დრეიმონდ გრინის არასპორტული საქციელი და გაძევება
1 წლის წინ
კალათბურთი
1 წთ
ნაციონალური საკალათბურთო ასოციაციის (NBA) პლეი-ოფის შეხვედრაში, "საკრამენტოსა" და "გოლდენ სტეიტის" დაპირისპირება შედგა. საკრამენტოში, "Golden 1 Center"-ში გამართული სანახაობრივი მატჩი "კინგსის" გამარჯვებით 114:106 დასრულდა.
მე-4 პერიოდში დრეიმონდ გრინი არასპორტული საქციელის გამო კორტიდან გააძევეს. ერთ-ერთ ეპიზოდში პარკეტზე დაცემულმა დომანტას საბონისმა გრინს ფეხი დაუჭირა, რის შემდეგაც "გოლდენ სტეიტის" ვარსკვლავმა ფეხი უხეშად გაითავისუფლა და საბონისი "გადათელა". აღსანიშნავია, რომ საბონისთან მომხდარი ინციდენტის შემდეგ, გრინი "საკრამენტოს" ფანებსაც დაუპირისპირდა.