ჩრდ. მაკედონიის მწვრთნელი | საქართველო უპირობო ფავორიტია

"სანაკრებო შეკრება სათასო დაპირისპირებების დასრულებისთანავე დაიწყო. სამწუხაროა, რომ ვერ მოხერხდა სათასო მატჩების რამდენიმე დღით გადატანა, რათა მეტი დასვენებისა და უკეთ ვარჯიშის შესაძლებლობა გვქონოდა. ტაქტიკურად ბევრი რამის გაკეთება არ შემიძლია. კიდევ ერთი და მნიშვნელოვანი პრობლემაა, რომ თბილისში სტამბოლის გავლით გვიწევს წასვლა და კიდევ უფრო მეტ დროს ვკარგავთ". "უამრავი მოთამაშე გვაკლია, რის გამოც დიდ სირთულეს ვაწყდებით. ვეცდებით საქართველოს რაც შეიძლება მეტი წინააღმდეგობა გავუწიოთ. ამ ვითარებაში ჩვენს წინააღმდეგ საქართველო უპირობო ფავორიტის სტატუსით სარგებლობს. მიუხედავად ყველაფრისა თუ შანსი მოგვეცემა აუცილებლად გამოვიყენებთ. იდეალური შემადგენლობით, რომ ვყოფილიყავით სრულიად სხვა სიტუაცია იქნებოდა, თუმცა დანებებას არ ვაპირებთ", - აღნიშნავს დრაგან ბაიჩი.