Belive

ბითაძის ბრწყინვალე სტატისტიკა მცირე სათამაშო დროში

1 წლის წინ კალათბურთი
1 წთ

ნაციონალური საკალათბურთო ასოციაციის (NBA) რეგულარული სეზონის შეხვედრაში, "საკრამენტოსა" და "ინდიანას" დაპირისპირება შედგა.

საკრამენტოში გამართული მატჩი, მასპინძელთა გამარჯვებით, 137:114 დასრულდა. "ინდიანა პეისერსის" რიგებში გოგა ბითაძეს მცირე სათამაშო დრო მიეცა და აღსანიშნავია, რომ ამ დროის განმავლობაში ქართველმა ცენტრმა ბრწყინვალე სტატისტიკა დააფიქსირა.

პარკეტზე გატარებულ 4:01 წუთში, ბითაძემ 8 ქულისა და 2 მოხსნის დაგროვება შეძლო. ბითაძემ ორივე ნასროლი 2-ქულიანი და ერთი 3-ქულიანი ზუსტად შეასრულა - ხოლო 2 თავისუფალი სროლიდან ერთის გამოყენება შეძლო. ქართველი ცენტრის მარგი ქმედების კოეფიციენტმა 4 შეადგინა.

სხვა სტატიები