betlive კალათბურთის სამოყვარულო ლიგა | ყველაფერი, რაც ტურნირის შესახებ უნდა იცოდეთ

26 ნოემბერს, კალათბურთის სამოყვარულო ლიგის ახალი, მეორე სეზონი დაიწყო - ტურნირი, რომელშიც მონაწილეობას როგორც მოყვარული, ასევე ვეტერანი სპორტსმენები იღებენ.

ჩემპიონატი ორ ეტაპად ტარდება: რეგულარული სეზონი და ფინალური ეტაპი (Playoff). რეგულარული სეზონის დასრულების შემდეგ, ფინალურ ეტაპამდე ე.წ. „All-star“ თამაში გაიმართება, სადაც მონაწილეობას პირველი ეტაპის საუკეთესო მოთამაშეთაგან შემდგარი გუნდები მიიღებენ. ასევე, ჩემპიონატის მსვლელობისას, ჩატარდება Online გამოკითხვები როგორც „კალათბურთის სამოყვარულო ლიგის“ ვებგვერდზე, ასევე Facebook გვერდზე - შედეგების საფუძველზე კი, „All-star“ თამაშში მონაწილე პირების ვინაობა გაირკვევა.

გასულ სეზონში, A დივიზიონის გამარჯვებული გუნდი „ს.კ ბრუკლინის აკადემია“, B დივიზიონის გამარჯვებული კი „ავერსი“ გახდა.

უკვე მეორე წელია, კალათბურთის სამოყვარულო ლიგის სპონსორი კომპანია „ბეთლაივია“, რომელიც ტურნირს როგორც მატერიალურ, ასევე მედიამხარდაჭერას უწევს.