All Star-ის ისტორიაში ყველაზე მეტი ქულა ჩავარდა | აღმოსავლეთმა დასავლეთს აჯობა

ყველა ვარსკვლავის მატჩზე ქულების რეკორდი დაემხო, აღმოსავლეთ კონფერენციამ კი დასავლეთს 211:186 მოუგო. NBA-ის ასეთი ტიპის მატჩში, როგორც ცნობილი იყო, უფრო მეტი კონკურენცია სურდა, თუმცა საპირისპირო მიიღო და ჩავარდა იმაზე მეტი ქულა, ვიდრე ოდესმე (397).

აღსანიშნავია, რომ გამარჯვებულებმა (ერთმა გუნდმა) თამაშის 73-წლიან ისტორიაში ყველაზე მეტი ქულა ჩააგდეს, წინა რეკორდი 2016 წელს დასავლეთმა ჩააგდო (196). "ჩვენ გავერთეთ" - ასეთი იყო "მილუოკი ბაქსის" სუპერვარსკვლავისა და აღმოსავლეთის გუნდის კაპიტნის, იანის ანტეტოკუნმპოს განცხადება თამაშის შემდეგ.

ეს All Star ნამდვილად იყო რეკორდების გადამწერი თამაში: 397 ქულა 2017 წლის რეკორდის, 374-ის ნაცვლად. აღმოსავლეთმა 42 სამქულიანი ჩააგდო, რამაც 2019 წელს ლებრონ ჯეიმსის გუნდის მიერ შესრულებულ ზუსტ სამიანებს 7-ით გადააჭარბა. პირველ ნახევარში 193-მა ქულამ შარშანდელ 191-ს აჯობა, ხოლო აღმოსავლეთის ჩაგდებული 104 ქულა, მხოლოდ პირველ ტაიმში, ასევე რეკორდია.

ყველა ვარსკვლავის მატჩის MVP დემიენ ლილარდი გახდა 39 ქულით, "ბოსტონიდან" ჯეილენ ბრაუნმა - 36, ხოლო ტაირის ჰალიბარტონმა, მშობლიურ "ინდიანა პეისერსიდან" 32 ქულა დააგროვა. რაც შეეხება დამარცხებულ გუნდს, მატჩის ყველაზე მაღალქულიანი მოთამაშე სწორედ აქ თამაშობდა - კარლ-ენტონი თაუნსმა 50 ქულა მოაგროვა და ეს მხოლოდ 28 წუთში. ძალიან კარგი იყო "ოკლაჰომა სიტის" შაი ალექსანდერიც. მან აღმოსავლეთს 31 ქულა ჩაუგდო.

NBA-ს კომისარი ადამ სილვერი და ლიგის სხვა აღმასრულებლები იმედოვნებდნენ უფრო კონკურენტუნარიან ყველა ვარსკვლავის თამაშს მას შემდეგ, რაც გასული სეზონის 184-175 მატჩი საჯაროდ გაკრიტიკდა და სატელევიზიო რეიტინგი მკვეთრად დაეცა.

დიდების დარბაზის წევრმა, ლარი ბერდმაც კი, რომელიც კვირას NBA Legends Brunch-ზე დაჯილდოვდა, თქვა, რომ იმედოვნებდა, ლიგის გზავნილი რეზონანსული იყო და მოთამაშეები უფრო სერიოზულად მოეკიდებოდნენ ყველა ვარსკვლავის თამაშს.