უეფამ დაადასტურა: როგორი იქნება ჩემპიონთა ლიგის ფინალის ბურთი?
უეფამ ჩემპიონთა ლიგის ამ სეზონის ფინალის ბურთი წარადგინა.
ევროპის ყველაზე პრესტიჟული საკლუბო ტურნირის გადამწყვეტ მატჩს ამ სეზონში უნგრეთის დედაქალაქი, ბუდაპეშტი და პუშკაშ არენა უმასპინძლებს.
მატჩის მთავარი ატრიბუტის დიზაინი უნგრეთის დედაქალაქის კულტურული იდენტობით არის შექმნილი.
ფინალის ბურთი ტრადიციულად Adidas-ის მიერ არის შექმნილი. უეფას ინფორმაციით, დიზაინში გათვალისწინებულია ქალაქის ორი მხარის, ბუდასა და პეშტის გაერთიანების იდეა.
კონცეფცია აერთიანებს კონტრასტსა და ჰარმონიას: ისტორიულ არქიტექტურასა და თანამედროვე ენერგიას, კლასიკურ ელეგანტურობას და ცოცხალ ღამის ცხოვრებას, რომლებიც ერთად ქმნიან გამორჩეულ ვიზუალურ სტილს ევროპული ფეხბურთის მთავარი მატჩისთვის.
ჩემპიონთა ლიგის 2026 წლის ფინალი 30 მაისს უნდა გაიმართოს. ამ მომენტისთვის ტურნირზე 8 მერვედფინალისტი გარკვეულია, საგზურების მეორე ნახევარი კი პლეი-ინში გათამაშდება.
