საბა გოგლიჩიძე: "ჩაკვეტაძე ნაკრებში უოტფორდის შესახებ დადებითად საუბრობდა"
3 დღის წინ
ქართული სპორტი
1 წთ
საქართველოს ნაკრების ცენტრალური მცველი, საბა გოგლიჩიძე უდინეზედან უოტფორდში ნახევარწლიანი იჯარით გადასვლის შემდეგ საუბრობს.
"ძალიან ბედნიერი ვარ, რადგან აქ ჩემს მეგობარ გიორგი ჩაკვეტაძესთან ერთად ვითამაშებ.
საქართველოს ნაკრებში ბევრს ვსაუბრობთ ჩვენს გუნდებზე. ის ყოველთვის კარგად საუბრობს უოტფორდზე, ბაზაზე, სისტემაზე და იმაზე, რომ პრემიერ ლიგაში მოსახვედრად ვიბრძვით. ეს ყველაზე მნიშვნელოვანია.
მომწონს ეს გუნდი. გარკვეული ინფორმაცია მაქვს გუნდის შესახებ და ძალიან მიხარია, რომ აქ ვარ.
უოტფორდის თამაშებს აქამდეც ვუყურებდი, რადგან აქ გიორგი ჩაკვეტაძე თამაშობს. ვხედავ, რომ გუნდი ინტენსიურ ფეხბურთს თამაშობს, ბურთს არასდროს აჩერებს და დაცვიდან შეტევაში და პირიქით სწრაფად გადადის.
იმედი მაქვს, გუნდს დავეხმარები. სამი თვე დიდი დრო არ არის, მაგრამ იმედი მაქვს, რომ ნაბიჯ-ნაბიჯ წინ წავალთ. იმედი მაქვს, შედეგები კარგი იქნება.
არ ვიცი, როდის იქნება ჩემი სადებიუტო თამაში. ველოდები ამ დღეს, რადგან მინდა ახალი მაისურით მოედანზე გასვლა და მაინტერესებს, როგორ თამაშობენ ინგლისში ფეხბურთს.
მოუთმენლად ველი სტადიონზე გულშემატკივრებთან შეხვედრას და იმის შეგრძნებას, თუ როგორი ატმოსფეროა აქ", - ამბობს საბა გოგლიჩიძე.
უოტფორდი ინგლისის ჩემპიონშიფში 30 ტურის შემდეგ დაგროვებული 44 ქულით მე-8 პოზიციას იკავებს და შემდეგი მატჩი 7 თებერვალს, საუთჰემპტონთან, სტუმრად უნდა გამართოს.
სხვა სტატიები
