საქართველო მეთექვსმეტეა - ევრობასკეტის მთავარი ფავორიტები ფიბას ვერსიით

ევროპის საკალათბურთო ჩემპიონატის დაწყებამდე 10 დღე რჩება. ფიბამ ტურნირის ე.წ  Power Rankings კიდევ ერთხელ გამოაქვეყნა.

განახლებულ რეიტინგში ტურნირის მთავარი ფავორიტი კვლავ სერბეთის ნაკრებია, მეორე გერმანიაა, მესამე კი - საფრანგეთი.

მე-16 ადგილს იკავებს საქართველოს ეროვნული ნაკრები. ჩვენი გუნდი წინა რეიტინგთან შედარებით, 1 პოზიციით დაქვეითდა, რის მიზეზადაც ფიბა ყველა ამხანაგურ მატჩში მარცხს ასახელებს.

საქართველო ევრობასკეტის C ჯგუფში საბერძნეთის, ესპანეთის, იტალიის, ბოსნიისა და კვიპროსის ნაკრებებთან ერთად იასპარეზებს.

ჯიკიჩის გუნდი ტურნირის პირველ შეხვედრას 28 აგვისტოს, ესპანეთის წინააღმდეგ გამართავს.

• ჩვენი ჯგუფიდან Power Ranking-ში ყველაზე მაღალ, მე-6 პოზიციას, იტალია იკავებს. საბერძნეთი მერვეა, ესპანეთი - მე-11, ბოსნია - მე-18, კვიპროსი კი - 24-ე.