"ჟოზე მოურინიო შესაძლოა პორტუგალიის ეროვნული ნაკრების მწვრთნელი გახდეს" - ESPN

ბენფიკას მთავარი მწვრთნელი, ჟოზე მოურინიო შესაძლოა პორტუგალიის ეროვნულ ნაკრებში დაინიშნოს, ინფორმაციას ESPN ავრცელებს. წყაროს ცნობით 63 წლის სპეციალისტი აღნიშნული თანამდებობის მთავარი კანდიდატია და ოფიციალური შეთავაზება შესაძლოა ამ ზაფხულს განხორციელდეს.

პორტუგალიის ამჟამინდელი მთავარი მწვრთნელი რობერტო მარტინესია, მას კონტრაქტი მსოფლიო ჩემპიონატის შემდეგ ეწურება და დიდი ალბათობით ჟოზე სწორედ მარტინესს ჩაანაცვლებს.

ჟოზე მოურინიო ბენფიკას მთავარ მწვრთნელად გასული წლის სექტემბერში დაინიშნა და კონტრაქტი 2027 წლამდე აკავშირებს. პორტუგალიელმა სპეციალისტმა თავისი გუნდი მოედანზე 30-ჯერ გაიყვანა, რა დროშიც შესანიშნავი სტატისტიკა უფიქსირდება - 18 მოგება, 6 ფრე და 6 მარცხი.