ვილიარეალის მწვრთნელი: 'პირველმა გოლმა დიდი ძალა მოგვცა'

ვილიარეალის მწვრთნელმა, მარსელინიომ განაცხადა, რომ ის „ძალიან კმაყოფილია“ მას შემდეგ, რაც მისმა ვილიარეალმა 4:1 დაამარცხა ესპანიოლი და ქულების რაოდენობით მესამე ადგილზე მყოფ ატლეტიკო მადრიდს გაუთანაბრდა.

ბრწყინვალე მატჩი ჩაატარა გიორგი მიქაუტაძემ, რომელმაც ჯერ ანგარიში გახსნა, მეოთხე გოლისას კი მოლეიროს გაატანინა.

გიორგი მიქაუტაძეს, ლა ლიგაში, 6 გოლი და 4 საგოლე გადაცემა დაუგროვდა. ქართველის გუნდს 45 ქულა აქვს, ისევე როგორც ატლეტიკოს და მესამე ადგილს იყოფენ, თუმცა ვილიარეალს ერთი მატჩით ნაკლები აქვს ჩატარებული.

ვილიარეალი მომდევნო სამ თამაშს ცხრილის ქვედა ნახევარში მყოფ გუნდებთან ჩაატარებს, 28 თებერვალს კი ბარსელონას, ნოუ კამპზე ესტუმრება.