შაკირა, მადონა და BTS | მსოფლიოს ჩემპიონატის ფინალის შესვენების შოუს პროგრამა ცნობილია

მსოფლიოს 2026 წლის ჩემპიონატის ფინალური მატჩის შესვენების დროს, მუსიკალური შოუ გაიმართება, რომელზეც მონაწილეების ვინაობა ცნობილი ხდება.

19 ივლისს ნიუ-ჯერსიში გასამართი ფინალური შეხვედრის შესვენების დროს 11-წუთიანი შოუ მოეწყობა.

არსებობდა ვარაუდი, რომ წარმოდგენა შესაძლოა 15 წუთზე მეტხანს გაგრძელებულიყო, თუმცა ამ მიზეზით ფეხბურთის წესების ცვლილება არ მოხდება.

სხვადასხვა მნიშვნელოვანი ტურნირის, მაგალითად უეფას ჩემპიონთა ლიგის ფინალის დროს, შესვენების შოუ ტრადიციად იქცა, მაგრამ მსოფლიოს ჩემპიონატზე ეს სადებიუტო შემთხვევა იქნება.

ცნობილია მონაწილეთა ჩამონათვალიც, რომელშიც ისეთი ვარსკვლავები იქნებიან, როგორებიც შაკირა, მადონა და სამხრეთ კორეული ქეი-პოპ ბენდი BTS არიან.

ფიფას პრეზიდენტმა, ჯანი ინფანტინომ განაცხადა, რომ ეს შოუ იქნება ისტორიული მომენტი მსოფლიო ჩემპიონატისთვის.

პროექტის კურატორი ჯგუფ Coldplay-ის სოლისტი, კრის მარტინი გახლავთ. შოუს მიზანი Fifa Global Citizen Education Fund-ისთვის თანხის შეგროვებაა, რომელიც მსოფლიოს მასშტაბით ბავშვების დასახმარებლად 100 მილიონი დოლარის მოზიდვას გეგმავს.