ნეიმარი ბრაზილიის ნაკრების გაფართოებულ სიაში მოხვდა

ბრაზილიის ეროვნული ნაკრების მთავარმა მწვრთნელმა, კარლო ანჩელოტიმ, მსოფლიო ჩემპიონატისთვის გაფართოებული 55-კაციანი შემადგენლობა დაასახელა. Globo Esporte-მ 55-დან 49 ფეხბურთელის ვინაობა გაარკვია, რომელთა შორის სანტოსის შემტევი, ნეიმარიცაა.

ნეიმარმა, რომელიც ბრაზილიის ნაკრების ყველა დროის საუკეთესო ბომბარდირია, ეროვნულ გუნდში ბოლოს 2023 წლის 18 ოქტომბერს, ურუგვაის წინააღმდეგ ითამაშა.

საბოლოო, 26-კაციანი შემადგენლობა კარლო ანჩელოტიმ მომავალ ორშაბათს უნდა გამოაცხადოს.

შემტევები, რომლებიც გაფართოებულ განაცხადში მოხვდნენ:

• ანტონი

• ენდრიკი

• გაბრიელ მარტინელი

• იგორ ტიაგო

• იგორ ჟესუსი

• ჟოაო პედრო

• კაიო ჟორჟე

• ლუის ენრიკე

• მატეუს კუნია

• ნეიმარი

• პედრო

• რაფინია

• რაიანი

• რიშარლისონი

• სამუელ ლინო

• ვინისიუს ჟუნიორი

ბრაზილიის ეროვნული ნაკრები მუნდიალის C ჯგუფში მაროკოს, ჰაიტისა და შოტლანდიის ნაკრებებთან ერთად იასპარეზებს. მსოფლიოს 5-გზის ჩემპიონები პირველ მატჩს 13 ივნისს, მაროკოს წინააღმდეგ გამართავენ.