მსოფლიოს ჩემპიონატიდან რამდენიმე დღეში სამხრეთ აფრიკელი ფეხბურთელი გარდაიცვალა
1 დღის წინ
ფეხბურთი
1 წთ
მსოფლიოს 2026 წლის ჩემპიონატის ერთ-ერთი მონაწილე ნაკრების, სამხრეთ აფრიკის ფეხბურთელი, ჯეიდენ ადამსი 25 წლის ასაკში გარდაიცვალა.
"ნაკრები დამწუხრებულია მამელოდი სანდაუნსისა და "ბაფანა ბაფანას" ნახევარმცველის, ჯეიდენ ადამსის უდროო გარდაცვალებით.
ჯეიდენი სულ ახლახანს წარმოადგენდა სამხრეთ აფრიკას 2026 წლის FIFA-ს მსოფლიო ჩემპიონატზე და სიამაყით, გამბედაობითა და გამორჩეულობით ატარებდა ერის იმედებს.
მისი გარდაცვალება განუზომელი დანაკარგია მისი ოჯახისთვის, თანაგუნდელებისთვის, კლუბებისთვის, საფეხბურთო საძმოსთვის და მთლიანად ქვეყნისთვის.
ჩვენ ღრმა მწუხარებას ვუცხადებთ ადამსების ოჯახს, მამელოდი სანდაუნსს, სტელენბოშის საფეხბურთო კლუბს, ბაფანა ბაფანას და ყველა იმ ადამიანს, ვისაც მასთან შეხება ჰქონდა.
სამხრეთ აფრიკის ფეხბურთმა დაკარგა ნიჭიერი მოთამაშე, თამაშის ამაყი მსახური და ახალგაზრდა სიცოცხლე, რომელსაც ჯერ კიდევ ბევრი რამ ჰქონდა წინ.
დაე, მისმა სულმა სამუდამო სიმშვიდეში განისვენოს", - წერს სამხრეთ აფრიკის ფეხბურთის ფედერაცია.
სამხრეთ აფრიკის ნაკრებმა A ჯგუფიდან გასვლა შეძლო და პლეიოფში კანადის ნაკრებთან დამარცხდა. ჯეიდენ ადამსმა ტურნირზე სამ მატჩში ითამაშა.
