მოურინიომ როდრიზე ისაუბრა | "არ მჭირდება ფეხბურთელი, რომელიც რეალზე ყოყმანს იწყებს"

როდრის გადაწყვეტილებას, სიტიდან ბარსელონაში გადასულიყო, ბევრი რეალისთვის დარტყმად მიიჩნევს, რადგან სამეფო კლუბი ესპანელი ნახევარმცველის დამატებას აქტიურად ცდილობდა. თუმცა, მადრიდელთა მთავარი მწვრთნელი ჟოზე მოურინიო მოვლენებს სულ სხვა თვალით უყურებს.

'El Chiringuito'-სთან ინტერვიუში პორტუგალიელმა სპეციალისტმა დაადასტურა, რომ ფეხბურთელს პირადად ორჯერ ესაუბრა და კლუბმა მას ფინანსურად ძალიან კარგი წინადადებაც შესთავაზა, თუმცა როდრის ყოყმანმა „სამეფო კლუბის“ პოზიციაც შეცვალა.

მოურინიოს თქმით,„რეალის მასშტაბის კლუბს არ სჭირდება მოთამაშე, რომელსაც მადრიდში გადმოსვლაზე ეჭვი ეპარება. „სამეფო კლუბის“ ზარს ფეხბურთელები კითხვით „როდის მოვიდე?“ უნდა პასუხობდნენ. მიუხედავად ამისა, მწვრთნელმა აღნიშნა, რომ ესპანელს პატივს სცემს და მას წარმატებები უსურვა.

ტონი კროოსისა და ლუკა მოდრიჩის ეპოქის დასრულების შემდეგ, როდრი „სამეფო კლუბის“ ნახევარდაცვის იდეალურ დირიჟორად მოიაზრებოდა, თუმცა მოურინიო აცხადებს, რომ გუნდს ცენტრში შევსება არ სჭირდება.