ხულიან ალვარესი: "ჩვენი მიზანია, რომ მესიმ მსოფლიო ჩემპიონატი კიდევ ერთხელ მოიგოს"
.jpg)
მსოფლიო ჩემპიონატის ბოლო მეოთხედფინალი ნამდვილ დრამად იქცა. არგენტინის ნაკრებმა შვეიცარიის წინააღმდეგ უმძიმესი ბრძოლა ჩაატარა, სადაც მატჩის ძირითადი დრო ფრედ, 1:1 დასრულდა, თუმცა დამატებით დროში „ალბისელესტემ“ მეტოქის გატეხვა მოახერხა, 3:1 გაიმარჯვა და მუნდიალის საუკეთესო ოთხეულში დაიკავა ადგილი.
ამ გამარჯვებით მსოფლიო ჩემპიონატის ნახევარფინალური წყვილები საბოლოოდ დაკომპლექტდა.
მატჩის დასრულების შემდეგ, არგენტინელთა მხრიდან მეორე გოლის ავტორმა - ხულიან ალვარესმა ემოციურად ისაუბრა.
"როდესაც თავი ავწიე, იმდენად დიდი თავისუფალი სივრცე მქონდა, ვიფიქრე, მსაჯმა თამაში გააჩერა მეთქი. კუთხის შესარჩევადაც კი მქონდა დრო. მცველები უბრალოდ იდგნენ და მიყურებდნენ, ამიტომ გადავწყვიტე, მათთვის საჩუქარი გამეკეთებინა და ბადეში მიფრინავი ბურთის საუკეთესო ხედით დამეჯილდოვებინა - გოლის შემდეგ უდიდესი შვება ვიგრძენი.
ბოლო წუთამდე ვცდილობდით და ვიბრძოდით. მიუხედავად იმისა, რომ რიცხობრივი უპირატესობა გვქონდა, თამაში მაინც ძალიან გართულდა და მძიმე გამოდგა.
არ ვიცი, კიდევ რამდენ მსოფლიო ჩემპიონატზე მოუწევს ამ შემადგენლობას ერთად თამაში, ამიტომ თითოეულ გამარჯვებას ჩვენთვის დიდი ფასი აქვს. ჩვენ მხოლოდ საკუთარი თავისთვის არ ვთამაშობთ - ჩვენ ვთამაშობთ ჩვენი ოჯახებისთვის, ჩვენი ხალხისთვის და იმისთვის, რომ ისტორია კიდევ ერთხელ დავწეროთ.
მთავარი მიზანი კი რა თქმა უნდა, მსოფლიო ჩემპიონობაა და გვსურს, რომ მესი ამ დიდი სცენიდან კიდევ ერთხელ გავუშვათ გამარჯვებული."
- ხულიან ალვარესი
წინ ნამდვილი საფეხბურთო კულმინაცია და გადამწყვეტი ბრძოლები გველოდება. სკალონის შეგირდებს ოქროსკენ მიმავალ გზაზე კიდევ ერთი ურთულესი ნაბიჯის გადადგმა მოუწევთ, გულშემატკივარი კი ტიტულის დაცვის მოლოდინშია.
არგენტინის ნაკრები 1/2-ფინალში ძალიან პრინციპულ მეტოქეს, ინგლისის ნაკრებს შეხვდება. მატჩი 15 ივლისს, თბილისის დროით 23:00 საათზე გაიმართება.
სხვა სტატიები
