გვარდიოლა: ,,1 თვის წინ დაიწერა, რომ, თითქოს, საუკეთესო თერთმეტეული დავასახელე, ეს კი არასდროს გამიკეთებია''

3 დღის წინ ფეხბურთი

1 წთ

,,ვერ ვიტყოდი, რომ საშიშია, რადგან მსოფლიოში ბევრი სხვა კატასტროფული რამ ხდება, მაგრამ შემხვედრია ChatGPT-ზე და სხვა პლატფორმებზე ჩემი სახელით დაწერილი განცხადებები და კომენტარები, რომლებიც მე არასდროს გამიკეთებია.

მაგალითად, მახსოვს, ერთი თვის წინ დაიწერა: „პეპმა კარიერის საუკეთესო თერთმეტეული დაასახელა.'' მე კი ეს არასდროს გამიკეთებია და არც არასდროს გავაკეთებ, რადგან დიდ პატივს ვცემ ყველა მოთამაშეს, ვინც მყოლია. თუმცა, ხალხმა დაიწყო ლაპარაკი - აი, პეპმა ეს ფეხბურთელი აირჩია და ის არაო...

რა თქმა უნდა, შემაშფოთებელია, რადგან საჯარო პირების სახელით ისეთი რამ ვრცელდება, რაც რეალურად არ გვითქვამს. მნიშვნელობა არ აქვს თემას, ავრცელებენ განცხადებებს, რომელიც არ არსებობს. ამას როგორ გააკონტროლებ? ეს არის დღევანდელი რეალობა - „ფეიქ-ნიუსები'' და დაუჯერებელი რაღაცები, რაც სინამდვილეში არ მომხდარა.

იგივე ChatGPT - გჭირდება გამოცდის ჩაბარება ან რაიმეს გაკეთება? შედიხარ, შენ ნაცვლად სხვა აკეთებს, შენ გონების განძრევა აღარ გიწევს. სიმართლე გითხრათ, არ ვიცი, რა იქნება მომავალში.'' - პეპ გვარდიოლა

თაზო ერისთავი