ფროზინონე უშუალო კონკურენტთან დამარცხდა - გიორგი კვერნაძის შეფასება

იტალიის სერია B-ს 23-ე ტურის პრინციპულ მატჩში, ფროზინონე უშუალო კონკურენტ, ვენეციას დაუპირისპირდა და მინიმალური სხვაობით, 1:2 დამარცხდა.

ფროზინონეს ქართველმა შემტევმა, გიორგი კვერნაძემ თავი საგოლე გადაცემით გამოიჩინა და მოედანზე ერთ-ერთი გამორჩეული იყო, თუმცა საკუთარი კლუბი მარცხისგან ვერ იხსნა. კვერნაძემ მოედანზე 80 წუთი გაატარა.

სტატისტიკის მწარმოებელმა ავტორიტეტულმა პლატფორმებმა გიორგი კვერნაძის თამაში შემდეგნაირად შეაფასეს:

• Flashscore: 7.1

• Sofascore: 8.1

ფროზინონე სერია B-ს მომდევნო ტურის მატჩს 11 თებერვალს, აველინოს წინააღმდეგ გამართავს.