ფინალისიმა 2026 | მატჩის ჩატარების ადგილი და თარიღი ცნობილია

ევროპისა და სამხრეთ ამერიკის მოქმედი ჩემპიონების - ესპანეთისა და არგენტინის დაპირისპირება 2026 წლის 27 მარტს გაიმართება.

დღეს ისიც გაირკვა, რომ მატჩს უმასპინძლებს კატარის Lusail Stadium, სადაც არგენტინის ნაკრებმა 2022 წელს მსოფლიო ჩემპიონობა იზეიმა.

ლუსაილის გარდა, კანდიდატთა შორის კიდევ რამდენიმე ქალაქი, მათ შორის მაიამი და ერ-რიადიც სახელდებოდა.

ფინალისიმას მოქმედი გამარჯვებული არგენტინის ეროვნული ნაკრებია - ალბისელესტემ 2022 წელს უემბლიზე იტალიას 3:0 მოუგო.