არინა საბალენკა ზედიზედ მეორედ გახდა მაიამის ტურნირის ჩემპიონი

არინა საბალენკამ მსოფლიოს მე-4 ჩოგანი, კოკო გაუფი დაამარცხა და მაიამის ღია პირველობა ზედიზედ მეორედ მოიგო (6:2, 4:6, 6:3). ის გახდა პირველი ჩოგბურთელი იგა შვიონტეკის შემდეგ (2022 წელი), რომელმაც 'Sunshine Double' შეასრულა (ჯერ ინდიან ველსი და შემდეგ მაიამი) და მეხუთე ქალი, რომელმაც ეს მოახერხა შტეფი გრაფთან, კიმ კლაისტერსთან, ვიქტორია აზარენკასთან და შვიონტეკთან ერთად.

ეს გამარჯვება საბალენკას 24-ე ერთეულთა და საერთო კარიერაში 30-ე ტიტული იყო, რაც წყვილთა ექვს ტიტულს მოიცავს. ის მსოფლიოს რეიტინგში სულ 83 კვირის განმავლობაში ინარჩუნებს პირველ ადგილს - მათ შორის 75 კვირის განმავლობაში ზედიზედ.

საბალენკა პირველი ჩოგბურთელია, რომელმაც მაიამის ღია პირველობაზე ორი ტიტული მოიგო მას შემდეგ, რაც ეშლი ბარტიმ ეს 2019 და 2021 წლებში მოახერხა და პირველი, ვინც ეს ზედიზედ ორჯერ გააკეთა - სერენა უილიამსის შემდეგ, რომელმაც 2013 წლიდან 2015 წლამდე ზედიზედ სამი ტიტული მოიპოვა.