ზურიკო დავითაშვილის ასისტით სენტ ეტიენმა მატჩი ფრედ დაასრულა
საფრანგეთის ლიგა 1-ის მე-6 ტურის შეხვედრაში "ნანტი" საკუთარ არენაზე "სენტ ეტიენს" შეხვდა. ზურიკო დავითაშვილის გუნდმა ფრედ 2:2 ითამაშა. ქართველმა ფეხბურთელმა ასისტი შეასრულა, ზოგადად "სენტ ეტიენს" მიმდინარე სეზონში 3 გოლი აქვს გატანილი და 2 საგოლე გადაცემა ზურიკომ გააკეთა.
ქართველმა ფეხბურთელმა თამაში ძირითადი შემადგენლობიდან დაიწყო და მოედანზე 89 წუთი გაატარა. Sofascore-მა ზურიკო დავითაშვილს 6.6 შეფასება დაუწერა, ის ბურთს 34-ჯერ შეეხო, 22 გადაცემიდან 16 ზუსტი იყო (73%), 9 ორთაბრძოლაში მიიღო მონაწილეობა და გამარჯვებული 3-ში დარჩა.
Whoscored-ის მიხედვით ქართველმა ფეხბურთელმა 7.0 შეფასება დაიმსახურა.
90e+8 : Grâce au doublé d’Ibrahim Sissoko, les Verts, revenus de loin, ramènent un point précieux de la Beaujoire (2-2) ! Un point qui compte, à une semaine d’un rendez-vous important, face à l’AJA. 😤
— AS Saint-Étienne (@ASSEofficiel) September 29, 2024
🟡 2-2 💚 #FCNASSE pic.twitter.com/MJ2chOgZxi
"სენტ ეტიენი" საფრანგეთის ლიგა 1-ის ცხრილში 4 ქულით მე-17 პოზიციაზეა (1 მოგება, 1 ფრე, 4 მარცხი), მომდევნო შეხვედრას ზურიკო დავითაშვილის გუნდი 5 ოქტომბერს "ოსერის" წინააღმდეგ გამართავს, მატჩი 19:00 საათზე დაიწყება.
ზურიკო დავითაშვილს მიმდინარე სეზონში 2 საგოლე გადაცემა დაუგროვდა.
.70.webp)
სხვა სტატიები
.32.webp)
.32.webp)
