ჟერომ ბოატენგმა კარიერა დაასრულა

გერმანელმა ჟერომ ბოატენგმა 37 წლის ასაკში საფეხბურთო კარიერა დაასრულა, ამის შესახებ სოციალურ ქსელში თავად სპორტსმენმა განაცხადა.

ჟერომ ბოატენგი კარიერის განმავლობაში თამაშობდა ისეთ გუნდებში როგორებიცაა: ჰერტა, ჰამბურგი, მანჩესტერ სიტი, ბაიერნი, ლიონი, სალერნიტანა და ლასკი.

კარიერის საუკეთესო პერიოდი ვეტერან ფეხბურთელს მიუნხენის ბაიერნში ჰქონდა, მან გერმანულ გუნდთან ერთად 2-2-ჯერ მოიგო ჩემპიონთა ლიგა, უეფას სუპერთასი და მსოფლიო საკლუბო ჩემპიონატი, ასევე 9-ჯერ გახდა ბუნდესლიგის გამარჯვებული, 5-5-ჯერ დაეუფლა გერმანიის თასსა და სუპერთასს. მანჩესტერ სიტისთან ერთად კი ინგლისის FA თასი მოიგო. ჟერომ ბოატენგმა გერმანიის ნაკრებთან ერთად 2014 წელს მსოფლიო ჩემპიონობა იზეიმა.