ყველაზე საშიში წყვილი | მბაპე&დემბელეს შეტევამ მუნდიალების რეკორდი დაამყარა

საფრანგეთის ეროვნული ნაკრების შემტევი ხაზი მიმდინარე მუნდიალზე მეტოქეების რბევას და რეკორდების დამხობას აგრძელებს. კილიან მბაპესა და უსმან დემბელის ტანდემმა მსოფლიო ჩემპიონატების ისტორიაში ოფიციალურად ჩაწერა საკუთარი სახელი - ისინი გახდნენ ყველაზე პროდუქტიული დუეტი, რაც კი სანაკრებო ფეხბურთს ბოლო 60 წლის განმავლობაში უნახავს. ტურნირზე მათ მიერ გათამაშებულმა მორიგმა შედეგიანმა კომბინაციამ საფრანგეთს უმნიშვნელოვანესი გოლი, ხოლო ამ ორ ვარსკვლავს უნიკალური რეკორდი მოუტანა.

სტატისტიკოსების მონაცემებით, მას შემდეგ, რაც 1966 წლიდან მსოფლიო ჩემპიონატებზე დეტალური სტატისტიკური აღრიცხვა დაიწყო, მბაპესა და დემბელეს წყვილმა მუნდიალებზე ერთობლივად უკვე მე-6 საგოლე კომბინაცია შექმნა (როდესაც ერთს გააქვს, ხოლო მეორე საგოლე გადაცემის ავტორია). ამ შთამბეჭდავი მაჩვენებლით ფრანგებმა დაამხეს მანამდე არსებული ყველა რეკორდი და ოფიციალურად იქცნენ თანამედროვე ეპოქის ერთ-ერთ საუკეთესო საფეხბურთო პარტნიორებად.

მსოფლიო ჩემპიონატების საუკეთესო წყვილები

• მბაპე & დემბელე – 6 საგოლე კომბინაცია

• შარმახი & ლატო – 5 საგოლე კომბინაცია

• კლოზე & ბალაკი – 5 საგოლე კომბინაცია

ფრანგულმა ტანდემმა უკან ჩამოიტოვა ისეთი ლეგენდარული წყვილები, როგორებიც იყვნენ 1970-იანი წლების პოლონური ფეხბურთის ოქროს ხანის შემოქმედნი, ანჯეი შარმახი და გჟეგოჟ ლატო, ასევე გერმანიის ნაკრების ლეგენდები - მიროსლავ კლოზე და მიხაელ ბალაკი (5-5).

„მამლების“ მიზანი უცვლელია - მსოფლიო ჩემპიონატის ტიტულის კიდევ ერთხელ მოგება, ხოლო ამ სვლაზე მბაპე-დემბელეს ისტორიული დუეტი გადამწყვეტ როლს თამაშობს.