ვინჩენცო მონტელა: "უბრალოდ არ გაგვიმართლა - ასეთია ფეხბურთი..."

ამერიკის შეერთებულ შტატებში მიმდინარე მსოფლიო ჩემპიონატზე პირველი ხმაურიანი სენსაცია დაფიქსირდა. ტურნირის ერთ-ერთი ყველაზე ანგარიშგასაწევი და ამბიციური გუნდი, თურქეთის ეროვნული ნაკრები, ჯგუფურ ეტაპზე ჩარჩა.

ვინჩენცო მონტელას შეგირდებმა ჯგუფის მეორე ტურში, უმძიმეს და უდიდესი ვნებათაღელვის მქონე მატჩში, პარაგვაისთან 0:1 წააგეს. ამ მარცხით თურქებმა პლეი-ოფში გასვლის ყოველგვარი თეორიული შანსიც კი დაკარგეს და ნაადრევად ეთიშებიან მსოფლიო ჩემპიონატს. ორი მატჩი, 0 ქულა, 3 გაშვებული და რაც ყველაზე საგანგაშოა - 0 გატანილი გოლი. აი, ასეთია თურქული ფეხბურთის ნამდვილი კოშმარი.

მატჩის შემდეგ მედიასთან კომენტარი ნაკრების იტალიელმა მთავარმა მწვრთნელმა - ვინჩენცო მონტელამ გააკეთა და აღნიშნა, რომ მის გუნდს ამ ორ თამაშში საშინლად არ უმართლებდა, ამ ყველაფერს კი იმას აბრალებს, რომ მათ გამარჯვებები 'არ ეწერათ'.

დიდი ალბათობით, მუნდიალის დასრულებისა და სამშობლოში დაბრუნების შემდეგ, ვინჩენცო მონტელას თანამდებობიდან გაათავისუფლებენ.

თურქული მედია ნაკრების ამ გამოსვლას ისტორიულ სირცხვილს უწოდებს. სტატისტიკა მართლაც საგანგაშოა გუნდისთვის, რომელსაც შემტევ ხაზში უდიდესი პოტენციალი ჰქონდა:

მუნდიალის დაწყებამდე საფეხბურთო ექსპერტთა უმრავლესობა მიიჩნევდა, რომ თურქეთი ამ ჯგუფის ფავორიტი თუ არა, პლეი-ოფში აუცილებლად გამსვლელი მაინც იყო. მათი ასეთი კრახი კი საფეხბურთო სამყაროში დიდი განხილვის საგანი გახდება.

ბოლო ტურში ავსტრალია და პარაგვაი მეორე საგზურისთვის ერთმანეთში იბრძოლებენ, თურქეთის ნაკრებისთვის კი აშშ-სთან მატჩი მხოლოდ პრესტიჟის თამაშად იქცა.