უპამეკანო კვარაცხელიაზე: "ჩემს კარიერაში ამაზე მეტად მეტოქესთან თამაში არასდროს გამჭირვებია"

ჩემპიონთა ლიგის ნახევარფინალური ეტაპის პირველ შეხვედრაში პარი სენ ჟერმენმა ბაიერნს უმასპინძლა და 5:4 დაამარცხა.

პსჟ-ს ძირითად შემადგენლობაში ითამაშა ხვიჩა კვარაცხელიამ, რომელმაც მატჩში თავი დუბლით გამოიჩინა და საოცარი მატჩი ჩაატარა. ხვიჩამ, რომელიც ბურთს სულ 38-ჯერ შეეხო, კარში 2-ჯერ დაარტყა, 12-დან 6 დუელი მოიგო და 19-დან 16 ზუსტი გადაცემა გააკეთა (84%).

კვარას საოცარ მატჩს ასევე გამოეხმაურა, მიუნხენის ბაიერნის ცენტრალური მცველი - დაიო უპამეკანო, რომელმაც ხვიჩასთან დაპირისპირებაზე ისაუბრა.

კვარა გახდა პირველი ფეხბურთელი პარიზული კლუბის ისტორიაში, რომელმაც ჩემპიონთა ლიგის 1 სეზონში 15 გოლში მიიღო მონაწილეობა - ხვიჩას ანგარიშზე 10 გოლი და 5 საგოლე გადაცემაა.

მიმდინარე სეზონში გატანილი გოლების რაოდენობით კვარა მხოლოდ ჰარი კეინსა (13) და კილიან მბაპეს (15) ჩამორჩება.

გუნდებს შორის საპასუხო მატჩი ოთხშაბათს, 6 მაისს, მიუნხენში გაიმართება.