უეინ რუნი: "მარცხენა ყურში არაფერი მესმის"

ინგლისის ნაკრების ყოფილი კაპიტანი, რომელიც მანჩესტერ იუნაიტედის ყველა დროის საუკეთესო ბომბარდირია, მიმომხილველის სამსახურს დაუბრუნდა მას შემდეგ, რაც პრობლემური სამწვრთნელო კარიერა შეწყვიტა. ის არასდროს ერიდება აზრის გამოთქმას, მაგრამ აქვს განსაკუთრებული მოთხოვნები, რომლებიც კამერის წინ გამოჩენამდე უნდა დაკმაყოფილდეს.

პირდაპირ ეთერში ჩართვამდე მას ყურსასმენი სჭირდება და ზრუნავს იმაზე, რომ აღნიშნული აღჭურვილობა ყოველთვის მარჯვენა მხარეს იყოს განთავსებული, სხვა შემთხვევაში ის ვერ შეძლებდა წამყვანებთან ურთიერთობას.

„კულისებს მიღმა“ ვიდეოში, რომელიც დღის მატჩის ბანაკში ცხოვრებას აშუქებს, რუნი დამხმარე წევრებს სთხოვს: „შემიძლია ამ ყურში გავიკეთო? პრობლემა ის არის, რომ მარცხენა ყურში არაფერი მესმის. წამყვანების ხმას ვერ გავიგონებ".

არ არსებობს ოფიციალური ინფორმაცია იმის შესახებ, თუ როგორ დაკარგა რუნიმ მარცხენა ყურში სმენა, მაგრამ მას 45 ნაკერი დასჭირდა თავის ამ არეში, მას შემდეგ, რაც 2009 წელს, ფრანგულ რივიერაზე, შვებულების დროს, იახტაზე წაიქცა. რუნი იმ დროს იუნაიტედისა და ინგლისის ნაკრების სუპერვარსკვლავი იყო. მან 13 დასამახსოვრებელი წელი გაატარა „ოლდ ტრაფორდზე“, გაიტანა 253 გოლი და მოიგო პრემიერ ლიგის ხუთი ტიტული, ასევე ჩემპიონთა ლიგის თასი.