ცვლილებები იტალიის ნაკრების შემადგენლობაში - „სკუადრა აძურა“ თურქეთს ბოლონიაში ელოდება

დღეს, 5 ოქტომბერს, იტალიის ეროვნული ნაკრები მორიგ შეხვედრას ჩაატარებს. „აძური“ თბილისის დროით 20:45 საათზე, ბოლონიის „რენატო დალ’არაზე“, თურქეთის ნაკრებს უმასპინძლებს.

პირველ შეხვედრაში იტალიამ მეტოქეს ბურსაში შანსი არ დაუტოვა და 4:1 დაამარცხა. ამ დამაჯერებელმა მოგებამ მანჩინის გუნდს თავდაჯერება კი შემატა, მაგრამ ჯგუფში სიტუაცია მაინც დაძაბულია. საფრანგეთს 7 ქულა, ბელგიას 6, იტალია კი ჩამორჩება კონკურენტებს და ქულების დაკარგვა აღარ აწყობს.

საპასუხო მატჩს გუნდი სერიოზული დანაკლისით ხვდება. იტალიელებს ერთბაშად შვიდი ფეხბურთელი ვერ დაეხმარება: პესინა, კოპოლა, კუადიო, გილარდი, რიჩი, მანდრაგორა და ზომა. გარდა ამისა, ტრავმის გამო შეკრება ვადაზე ადრე დატოვა მოიზე კინმაც.

სამაგიეროდ, არის სიახლეც: სამი გამოტოვებული შეკრების შემდეგ, ნაკრებში პირველად უხმეს სამუელე ინაციოს.