ცნობილია, რა ნომრით ითამაშებს მომავალი სეზონიდან ლამინე იამალი

,,ბარსელონას'' ახალგაზრდა ვარსკვლავი, ლამინე იამალი მომავალი სეზონიდან 10-ნომრიანი მაისურით ითამაშებს. ინფორმაცია ესპანურ მედიაში ვრცელდება:

რაც არ უნდა მოხდეს ანსუ ფატისთან დაკავშირებით, ლამინე იამალი მომავალი სეზონიდან ლეგენდარულ 10-ნომრიან მაისურს იცვამს. ეს არის ბარსელონას სტრატეგიული და მარკეტინგული ნაბიჯი. ახალგაზრდა სუპერვარსკვლავისთვის 10 ნომრის გადაცემა მის მე-18 დაბადების დღეზე ახალი ეპოქის დასაწყისი იქნება. მოსალოდნელია შემოსავლების მკვეთრი ზრდაც.

17 წლის ფეხბურთელი აქამდე 19 ნომრით თამაშობდა.

ახლა კატალონიური გრანდის ღირსებას 10 ნომრით ანსუ ფატი იცავს. ,,ბარსელონაში'' ამ გამორჩეული ნომრით არაერთ დიდ ფეხბურთელს, მათ შორის მესის, რონალდინიოს, რივალდოს, რიკელმეს, ჰაჯის, სტოიჩკოვს, რომარიოსა და დიეგო მარადონას უთამაშიათ.

მიმდინარე სეზონში იამალის ანგარიშზე ,,ბარსელონას'' შემადგენლობაში ჩატარებულ 54 შეხვედრაში 18 გოლი და 25 საგოლე გადაცემაა.