სტივენ ჯერარდი: "კვარაცხელია მსოფლიოს საუკეთესო ვინგერია"

პარი სენ ჟერმენმა ბაიერნი ორი მატჩის ჯამში 6:5 დაამარცხა და ფინალში გავიდა, სადაც არსენალს დაუპირისპირდება.

პსჟ-ს ძირითად შემადგენლობაში ითამაშა ხვიჩა კვარაცხელიამ, რომელმაც მატჩში თავი საგოლე გადაცემით გამოიჩინა. ხვიჩამ, რომელიც ბურთს სულ 56-ჯერ შეეხო, კარისკენ 5-ჯერ დაარტყა (2-ჯერ კარში), 15-დან 11 დუელი მოიგო და 31-დან 21 ზუსტი გადაცემა გააკეთა (68%).

კვარას მორიგ ბრწყინვალე მატჩს მსოფლიო ფეხბურთში დიდი გამოხმაურება მოჰყვა - 25 წლის ქართველის თამაშის სტილი შეაქო ლეგენდარულმა ინგლისელმა ფეხბურთელმა და ლივერპულის ლეგენდამ - სტივენ ჯერარდმა.

აქვე შეგახსენებთ, რომ კვარა გახდა პირველი ფეხბურთელი ჩემპიონთა ლიგის ისტორიაში, რომელმაც პლეი-ოფის ზედიზედ 7 მატჩში შეასრულა საგოლე მოქმედება.

პარი სენ ჟერმენი ჩემპიონთა ლიგის ფინალში არსენალს დაუპირისპირდება. გადამწყვეტი მატჩი 30 მაისს, ბუდაპეშტში, პუშკაშ არენაზე გაიმართება.