სრული ქაოსი ბრაზილიაში | სასტიკი ჩხუბი მოედანზე

ბრაზილიაში, კრუზეიროსა და ატლეტიკო მინეიროს მატჩი სასტიკ დაპირისპირებაში გადაიზარდა. მატჩი კრუზეიროსთვის საზეიმო უნდა ყოფილიყო, რადგან მათ მინეიროს დიდების შვიდწლიანი ეპოქა დაასრულეს და შტატის ჩემპიონები, 2019 წლის შემდეგ პირველად გახდნენ (1:0).

გასაგებია, რომ შეხვედრა საკმაოდ ემოციური უნდა ყოფილიყო, თუმცა რაც მსაჯის მიერ დამატებულ დროში მოხდა, ყოველგვარ ზღვარს გასცდა. ორივე გუნდის ფეხბურთელები და სამწვრთნელო შტაბის წევრები დაუნდობელ ხელჩართულ ჩხუბში ჩაერთვნენ, რომელიც თითქმის 2 წუთი გრძელდებოდა.

მატჩი 10 წუთით შეწყდა და მსაჯს მოედანზე წითელი ბარათები არ უჩვენებია, თუმცა როგორც ირკვევა, ორივე გუნდის მხრიდან, 23 ფეხბურთელი იქნა გაძევებული.