სოლბაკენი: "ღამე ძილი გამიჭირდა, თავს გაძარცვულად ვგრძნობ..."

საქართველოს ნაკრებმა 2024 წლის ევროპის ჩემპიონატის საკვალიფიკაციო ეტაპის პირველ ტურში, ნორვეგიასთან შინ ფრე – 1:1 ითამაშა.

ნორვეგიის ნაკრების მწვრთნელმა - სტალე სოლბაკენმა დღეს დილით, სამშობლოში გამგზავრებამდე, ნორვეგიელ ჟურნალისტებს აეროპორტში ესაუბრა.

"ეს ჩვენთვის ივნისში შოტლანდიის მატჩს კიდევ უფრო მნიშვნელოვანს და საბედისწეროს ხდის. ამ ორ გასვლით თამაშთან დაკავშირებით თავს გაძარცვულად ვგრძნობ, მაგრამ არის იმედები, რომლებიც ბოლომდე რჩება.

მატჩის შემდგომ ვახშამს დავესწარი და პატარა სიტყვით გამოვედი, მეც საკმაოდ ადრე ავედი ოთახში. მარტო ყოფნა და ცოტა ხნით გაქცევა მჭირდებოდა. უკვე ცხრა თუ ათი დღეა, რაც მთელი დღეებისა და საათების განმავლობაში ერთად ვართ, ასე რომ, ღამით ბიჭების დაძაბვა არ მინდოდა. ამიტომ ავედი და მატჩს თავიდან ვუყურე, რადგან მაინც ვერ ვიძინებდი.

ამას საკუთარი თავის და სხვის დასაცავად არ ვამბობ. ჩვენ ერთ რამეზე ვზრუნავთ და ეს არის ქულების რაოდენობა. ორ თამაშში ერთი ქულა ცოტაა, თუმცა ბრძოლა გრძელდება".