Sky Sports | რონალდუ იტალიაში დასაბრუნებლად ემზადება
უკანასკნელი ცნობების თანახმად, კრიშტიანუ რონალდუ "მანჩესტერ იუნაიტედის" დატოვებას გეგმავს და მზადაა იტალიაში დაბრუნდეს. Sky Sports-ის მტკიცებით, პორტუგალიელი სუპერვარსკვლავი კვლავ "იუვენტუსში" არ დაბრუნდება და მის ნაცვლად "ნაპოლის" კანდიდატურას განიხილავს.
Sky Sports-ი აღნიშნავს, რომ პორტუგალიელის სამსახურით ნეაპოლიტანური კლუბის მესვეურებიც აქტიურად ინტერესდებიან. აღნიშნულ ინფორმაციას ის გარემოებაც ამძაფრებს, რომ ვიქტორ ოსიმენის შეძენა "ჩელსის" სურს. იმ შემთხვევაში, თუ "არისტოკრატები" ნეაპოლელთა ლიდერის ტრანსფერს განახორციელებენ - "ნაპოლის" შეტევის გასაძლიერებლად ისეთი სახელოვანი ვარსკვლავის დამატება შეეძლება, როგორიცაა კრიშტიანუ რონალდუ.
Cristiano Ronaldo is open to returning to Italy with Napoli 👀 🇮🇹
— Sky Sports Premier League (@SkySportsPL) October 25, 2022
შეგახსენებთ, პორტუგალიელი სუპერვარსკვლავისა და “მანჩესტერ იუნაიტედის” მთავარი მწვრთნელის ურთიერთობა არც ისე სახარბიელოა. კრიშტიანუ რონალდუსა და ერიკ ტენ ჰაგის დაპირისპირება, ინგლისური მედია საშუალებების სპეკულაციის ერთ-ერთი მთავარი თემაა. პრესას ჭორების აგორების საშუალებას რონალდუ და ტენ ჰაგიც აძლევენ.
ერთ-ერთი უკანასკნელი სკანდალი რონალდუს მიერ “ოლდ ტრაფორდის” ნაადრევად დატოვების შემდეგ აგორდა, რის გამოც ტენ ჰაგმა იგი დასაჯა და “ჩელსის” წინააღმდეგ გამართულ შეხვედრაში განაცხადში არ შეიყვანა.