სკალონი: ,,ამ გუნდით ვამაყობ, ეს მათი გამარჯვებაა''

არგენტინის ეროვნული ნაკრების მთავარმა მწვრთნელმა, ლიონელ სკალონიმ, მსოფლიო ჩემპიონატის მოგებით მიღებულ ემოციებზე ისაუბრა:

,,მინდა, ხალხს ვუთხრა, რომ ისიამოვნონ, რადგან ეს ისტორიული მომენტია.

ამაყი, მაგრამ სხვა დღეებთან შედარებით, ნაკლებად აღელვებული ვარ. ამ გუნდით ვამაყობ, ეს მათი გამარჯვებაა.

დედამ და მამამ მასწავლეს, რომ არასდროს დავნებდე და ყოველთვის წინ ვიარო. აქ ყოფნით გამიმართლა და მადლობელი ვარ. მწვერვალზე ყოფნა რაღაც უნიკალური, წარმოუდგენელი სიამოვნებაა,'' - სკალონის სიტყვებს არგენტინის ეროვნული ნაკრების ტვიტერის გვერდი ციტირებს.

მსოფლიო ჩემპიონატის ფინალში არგენტინის ნაკრებმა საფრანგეთი პენალტების სერიაში დაამარცხა და მუნდიალის გამარჯვებული ისტორიაში მესამედ გახდა.