შვედეთში გულშემატკივრებმა მოედანს ცეცხლი წაუკიდეს

შვედეთის ჩემპიონატის გავარდნა/დაწინაურების (უმაღლესი ლიგიდან მეორე ლიგაში) მატჩში იშვიათი ფაქტი მოხდა, ნორკოპინგის გულშემატკივრებმა მოედანი ცეცხლის ალში გახვიეს.

ნორკოპინგმა უმაღლესი ლიგის 16 გუნდს შორის მე-14 ადგილი დაიკავა, რამაც ისინი მეორე ლიგის მესამე ადგილზე მყოფ ორგრიტესთან დააწყვილა (პლეი-ოფი/უმაღლესი ლიგის საგზურისთვის).

ორგრიტემ პირველი მატჩი, საკუთარ მოედანზე, 3:0 მოიგო და შედეგად, ნორკოპინგის უკმაყოფილო გულშემატკივრებმა საპასუხო მატჩის ჩაშლა მოინდომეს. მატჩის დასრულებამდე 7 წუთით ადრე, სტუმართა გუნდის გულშემატკივრების ნაწილიც გააძევეს, რადგან ისინი ღობის დანგრევას ცდილობდნენ. საერთო ჯამში, მოედანზე იმდენი ფეიერვერკი ისროლეს, რომ მინდორს ცეცხლი გაუჩნდა და მეხანძრეების ჩართვა გახდა საჭირო.

მატჩი 0:0 დასრულდა, ხოლო ნორკოპინგი უმაღლესი ლიგიდან 2010 წლის შემდეგ პირველად გავარდა.