გაბრაზებული ფანი სევილიას მეკარეს თავს დაესხა
UEFA-ს ევროპა ლიგის პლეი-ოფის საპასუხო შეხვედრაში, "პსვ"-სა და "სევილიას" დაპირისპირება შედგა. ეინდჰოვენში, "Philips Stadion"-ზე გამართული მატჩი, მასპინძელთა გამარჯვებით 2:0 დასრულდა.
საკუთარ კედლებში მოპოვებული გამარჯვება "პსვ"-სთვის საკმარისი არ აღმოჩნდა იმისათვის, რომ მომდევნო ეტაპზე გასულიყო. ნიდერლანდური კლუბი ორი მატჩის ჯამში 2:3 დამარცხდა და ევროპის რანგით მეორე საკლუბო ტურნირს გამოეთიშა.
მატჩის მსვლელობისას, იმ დროს, როდესაც მასპინძლები 1:0 იმარჯვებდნენ, უსიამოვნო ინციდენტი მოხდა. "სევილიას" კიპერის ქმედებებით უკმაყოფილო გულშემატკივარი მოედანზე შეიჭრა და მარკო დმიტროვიჩს ფიზიკურად დაუპირისპირდა. გაბრაზებულმა ფანმა სერბ კიპერს მუშტი დაარტყა, რის შემდეგაც დმიტროვიჩმა მისი წაქცევა შეძლო და სტადიონის უსაფრთხოების თანამშღომლების მისვლამდე თავდამსხმელი გააკავა.
At full time of Sevilla eliminating PSV from the Europa League, a fan ran on to the field to attack Sevilla keeper Marko Dmitrović.
— B/R Football (@brfootball) February 23, 2023
Dmitrović pinned him down until security took him away 😳 pic.twitter.com/CRKGxTQCwe
Tomó la peor decisión... Un hincha de PSV ingresó a la cancha, A PEGARLE A MARKO DMITROVIC, arquero de Sevilla. No sabía donde se estaba metiendo 😬...
— SportsCenter (@SC_ESPN) February 24, 2023
📹 @chepalleblog pic.twitter.com/vv8Jc2JHr3
მატჩის დასრულების შემდეგ სერბმა კიპერმა ინციდენტთან დაკავშირებით ისაუბრა და აღნიშნა, რომ როდესაც თავს ესხმიან, ის დამნაშავეს ყოველთვის საკადრის პასუხს სცემს.
სხვა სტატიები
