საქართველოს ფუტსალის ნაკრებმა ლატვიასთან ამხანაგური მატჩები გამართა

საქართველოს ფუტსალის ნაკრებმა, ევროპის ჩემპიონატის საკვალიფიკაციო ეტაპის დაწყებამდე, დასკვნითი ამხანაგური მატჩები ჩაატარა. ქართველები, ორივე შემთხვევაში, თბილისში სტუმრად მყოფ ლატვიის ნაკრებს დაუპირისპირდნენ.

პირველი მატჩი ფრედ 2:2 დასრულდა, სადაც საქართველომ მატჩის ბოლო წუთებზე შეძლო ანგარიშის გათანაბრება. მეორე შეხვედრა კი დღეს ჩატარდა და ამ შემთხვევაში, ლატვიელებმა გამანადგურებელი ანგარიშით 2:6 მოგვიგეს. მატჩის შედეგი არ ასახავს თამაშის იმ მიდინარეობას, რომელიც იყო, თუმცა სტუმრებმა კარგად ისარგებლეს ჩვენი ნაკრების მიერ დაშვებული შეცდომებით.