საქართველო-ესპანეთის მატჩს ფრანგი არბიტრი განსჯის

საქართველოსა და ესპანეთის 1/8-ფინალურ შეხვედრას ფრანგ არბიტრთა ბრიგადა განსჯის. მთავარი მსაჯი 35 წლის ფრანსუა ლეტექსიე იქნება, რომელიც მიმდინარე ევროზე ორი თამაშს წარუძღვა. ხორვატია-ალბანეთისა და დანია-სერბეთის დაპირისპირებებში, ლეტექსიემ 3 და 4 ყვითელი ბარათი ამოიღო.

აქვე იმასაც გეტყვით, რომ ფრანსუამ 2023 წლის სუპერ თასიც იმსაჯა, რომელიც "სიტისა" და "სევილიას" შორის შედგა.

ევროპის ჩემპიონატის 1/8-ფინალში საქართველოს ნაკრების მეტოქე ესპანეთი იქნება. მატჩი 30 ივნისს, თბილისის დროით 23:00 საათზე არის ჩანიშნული.

აქვე იმასაც შეგახსენებთ, რომ ჯგუფურ ეტაპზე ესპანეთმა ყველა მატჩი მოიგო, 9 ქულა დააგროვა და პლეი-ოფში პირველი ადგილით გავიდა.