საფრანგეთმა გრიზმანის გაუქმებული გოლის გამო FIFA-ს უჩივლა
საფრანგეთის ფეხბურთის ფედერაციამ ანტუან გრიზმანის ტუნისთან გატანილი გოლის გაუქმების გამო FIFA-ს უჩივლა.
საფრანგეთის ეროვნული ნაკრები ჯგუფური ეტაპის ბოლო ტურში ტუნისთან 1:0 დამარცხდა, თუმცა ჯგუფში მაინც პირველი ადგილი დაიკავა და 1/8-ფინალში გავიდა, სადაც მისი მეტოქე პოლონეთის ნაკრები იქნება.
ფრანგებს დიდი შანსი ჰქონდათ იმისა, რომ ტუნისთან არ დამარცხებულიყვნენ, თუმცა მატჩის ბოლო წუთზე ანტუან გრიზმანს გატანილი გოლი VAR-მა გაუუქმა. მიზეზი თამაშგარეა, თუმცა ფეხბურთის არანაირ წესში არ წერია, რომ ეს გოლი რაიმე მიზეზით გასაუქმებელი იყო.
ანტუან გრიზმანის გაუქმებული გოლი ტუნისთან
Griezmann’s disallowed goal 😔https://t.co/tYLSqavPJq
— SZD8 🇭🇺 (@griezmannility_) November 30, 2022
გრიზმანი თავდაპირველად თამაშგარე მდგომარეობაში იმყოფებოდა, თუმცა ბურთმა გრიზმანამდე არ მიაღწია და პირველი ბურთზე ტუნისელმა მცველმა ითამაშა.
საფრანგეთის ფეხბურთის ფედერაციის განცხადებაში ნათქვამია:
"ჩვენ ვწერთ საჩივარს მას შემდეგ, რაც ანტუან გრიზმანის გოლი, ჩვენი აზრით, არასწორად იქნა გაუქმებული. ეს საჩივარი უნდა შევიტანოთ 24 საათის განმავლობაში."