საკამათო პენალტები, წითელი ბარათები და 5 წუთით ადრე შეცდომით დასრულებული მატჩი აფრიკის თასზე

აფრიკის ერთა თასზე, ტუნისისა და მალის მატჩი კურიოზული და ქაოსური შეხვედრით დასრულდა - შეხვედრის მთავარმა არბიტრმა მატჩი ძირითადი დროის დასრულებამდე ხუთი წუთით ადრე დაამთავრა. თანაც, ეს ორჯერ მოხდა. ორი საკამათო პენალტი და წითელი ბარათი სრულფასოვნად არ მოგვითხრობს გიჟურ მატჩზე და და მსაჯის უცნაური გადაწყვეტილებების სერიაზე. მიუხედავად ამ ყველაფრისა, მატჩის საკვანძო ეპიზოდი მაინც ფინალური წუთები გამოდგა, როცა ზამბიელმა მსაჯმა, ჯანი სიკაზვემ 85 წუთის შემდეგ შეხვედრის დასრულების გადაწყვეტილება მიიღო. რეფერის პირველი სასტვენის დროს ტაბლოზე ანგარიში მალელთა სასარგებლოდ - 1:0 იყო. როცა სიკაზვემ გვირაბისკენ მიუთითა, ორივე ნაკრების ფეხბურთელები დაბნეულები იყურებოდნენ, იქამდე, ვიდრე არბიტრი დაშვებულ შეცდომას გააანალიზებდა და მატჩს განაახლებდა. განახლებიდან მალევე, სიკაზვემ მალელ ნახევარმცველ ელ ბილალ ტურეს პირდაპირ წითელი ბარათი უჩვენა ნახევარდაცვაში უწყინარი მოქმედების გამო.აღშფოთებულმა მალელებმა მსაჯს VAR-ის გამოყენებისკენ მოუწოდეს, რაც მან მართლაც გააკეთა, თუმცა ვიდეო-რეფერის საწინააღმდეგო გადაწყვეტილებას არ დაეთანხმა.

Tunisia v Mali - VAR review for a penalty, given (pen missed) - Ref blows for full-time on 85 minutes - Play does restart - Player sent off - VAR tells the ref it's not a red - Ref rejects the red review (it was never a red card) - Ref blows for full time on 89.40 Chaos! — Dale Johnson (@DaleJohnsonESPN) January 12, 2022