"საკა არსენალში რჩება" - ფაბრიციო რომანო
ლონდონის "არსენალი" მიმდინარე სეზონში დამაჯერებლად ასპარეზობს და ინგლისის პრემიერ ლიგის ცხრილის სათავეშია.
ჩრდილო ლონდონური კლუბის წარმატების მთავარი შემოქმედი მიკელ არტეტა და ახალგაზრდა ვარსკვლავებით დაკომპლექტებული გუნდია. არტეტას მოთამაშეებს გამარჯვებისკენ სწრაფვა და გუნდის ერთგულება აერთიანებს.
"მეთოფეების" ერთ-ერთი ყველაზე გამორჩეული ვარსკვლავი - ბუკაიო საკა, "არსენალში" რჩება. ფაბრიციო რომანოს მიერ გავრცელებული ინფორმაციით, მხარეთა შორის კონტრაქტის გახანგრძლივების თაობაზე დაწყებული მოლაპარაკებები წარმატებით დასრულდა და უახლოეს მომავალში, საკა განახლებულ კონტრაქტს მოაწერს ხელს, რაც იმას ნიშნავს, რომ მის მსურველ კლუბებს კიდევ დიდხანს მოუწევთ ლოდინი.
ბუკაიო საკამ "არსენალის" მაისურით ჩატარებულ 28 პრემიერ ლიგურ შეხვედრაში 12 გოლი გაიტანა და 10 საგოლე გადაცემა შეასრულა. ფენომენალური სეზონის შედეგად, ახალგაზრდა შემტევი 3 გრანდის სატრანსფერო რადარზე აღმოჩნდა, თუმცა საკა საკუთარ მომავალს "არსენალის" რიგებში ხედავს.
Arsenal star Bukayo Saka will sign his new contract very soon, no changes in the plan as verbal agreement is in place since February. ⚪️🔴 #AFC
— Fabrizio Romano (@FabrizioRomano) March 28, 2023
Three clubs [two from England and one from abroad] were monitoring Saka’s contract situation since long time but no way: he’s staying. pic.twitter.com/EOe9GQZoYB
სხვა სტატიები
